Showing posts with label கவிதைகள். Show all posts
Showing posts with label கவிதைகள். Show all posts

10/17/10

நினைவை அழிக்காதே !



 

என்னுடன் பேசாத உன்
உதடுகள் என்ன

சொல்கின்றன ?

என் பெயரை தானே ??

@@

என் நினைவை

நினைக்காத உன் மனது

யாரை தேடுகின்றன ?

நம் நினைவுகளையா ? ?

@@

உன்னுடன் பேசிய

வார்த்தைகளும்

உன்னுடன் வாழ்ந்த

என் மனதும் ...இன்று

என்னையே வெறுக்கின்றன ??

@@

நாம் கடந்த சாலைகள்

நாம் ரசித்த பாடல்கள்

இன்று புதிதாய் ...

கண்ணீரை தருகின்றன

காணிக்கையாய் !!!

@@

உன் நினைவுகளில்

என் நினைவுகள்

இல்லாது போனாலும் ...

என் நினைவுகளில்

உன் நினைவுகள்

அன்றும் .

இன்றும் .

என்றும் .!!!

@@@

10/8/10

தனிமை .


அன்று

என் கண்ணீரை துடைக்க

நீ இருந்தாய் ...

இன்று

என் கண்ணீராய் உருமாறி

போனாய் .. ??

பேசிய வார்த்தைகள்

என் காதுகளில் ...

இன்றும்..

தொலைத்தாலும் தொலையாதது
உன் மேல் நான் கொண்ட

அன்பு ...

எத்தனை நாள் என் இதயம்

சுமை கொள்ளும் ?

நீயே என் வாழ்வாகி போனாய்

என்று என் நிஜமாகி போவாய் ??

10/5/10

அழியா நினைவுகள் ... கிடைக்காத சந்தோசங்கள் !!!!



என் சிறு வயதினில்...

என் பாட்டி வீடு சென்ற

ஞாபகங்கள் !!!

அலை மோதின என்னுள்...

இன்றும்....

நான் போகும் போது.

அன்று..

என் அன்னையின் கை பிடித்து.

இன்று..

என் மகளின் கை பிடித்து..

எத்தனை அழகான காலங்கள் ...

போகாமலே நனைகிறேன்

நினைவுகளில்..

கிராமம் தான்..

எங்குமில்லா அமைதி ..

கிடைக்காத பாசங்கள்..

பார்க்காத மனிதர்கள்..

புரியாத மொழிகள்..

அங்கு மட்டுமே..

வயல் வரப்பில் நான்

நடந்தேன் அழகாய்..

முடியவில்லை

என் மகளால் ..

புதிய பாதை அவளுக்கு..

அம்மா

இது தான் "ரைஸ் செடியா?"

ஆம் என்றேன்

அவளிடம்..

இது போல் குட்டி குட்டி கேள்விகள்

அவளுக்கு..

புரிய வைத்தேன் நான்

தென்னையில்

உள்ள தூக்கணாங் குருவி கூடு !



அழகிய வீடு !

அடித்த காற்றில் கீழே விழுந்தது போல்.

.என் குட்டி தேவதை

அதை எடுத்துக்கொண்டாள்..

அவளின் பார்பி பொம்மைக்கு

இனி அது வீடாம்..

தாகம் என்று நினைக்கையில்

தோட்டக்காரன் நின்றான்

இளநீரோடு!

ஆசை தீர தாகம் தனித்தோம்..

வயல்வெளியில்

விவசாயிகளின் பாடலோடு வேலை ..

புரியவில்லை அவளுக்கு..

புரிந்தது அவர்களின்

கபடமில்லா பாசம் ..

வயல் பார்த்து

பம்ப் செட்டில் குளித்து

தென்னை ஓலையில்

குட்டி தூக்கம் போட்டு

களைத்து வீடு வருகையில்..

வாசம் துளைத்தது

பாட்டி வைத்த மீன் குழம்பு..

ஆசையாய் சாப்பிட்டோம்

பாட்டியின் பாசத்தையும் சேர்த்து.

ஐயோ...  இன்னும் எத்தனையோ !!!

விவரிக்க வார்த்தைகள் போதாதே..

என் மகளுடன் நானும்

குழந்தையாய் ஏங்குகிறேன் ..



என்று வருமோ..

அடுத்த என் மகளின்

விடுமுறை நாட்கள் என்று ???

9/21/10

கிடைக்குமா ??



கல்லூரியின்  முதல் நாள் ...

பிறந்த வீட்டை விட்டு

புகுந்த வீடிற்குள்

நுழைந்ததை போல் உணர்வு !!!

புதிய புதிய முகங்கள் ...

பழகிய முகத்தை தேடின

என் விழிகள் !!!

ஏங்கியது என் மனம் ....

பள்ளியில் பழகிய சிநேகங்கள்

யாரேனும் உண்டா

புதிய் இடம் ...

காட்டிற்குள் விட்டது

போல பயம்!!!

கல்லூரி முதல்வரின்

முதல் உரை ..

ஏகப்பட்ட அறிவுரைகள் ...பள்ளிக்கே  ஓடிடலாம

என எண்ணங்கள்

ஓடின மனதினில் !!!

தனக்கென எழுதப்பட்ட

உரையை முடித்தார் ...முதல்வர் !!!

வகுப்பறைக்கு சென்றேன் ....

சற்றே பள்ளியை விட

அழகாய் இருக்க...

கொஞ்சம் மகிழ்ந்தது

என் மனம் !!!

தனிப்பட்ட அறிமுகம் செய்தோம் ..

ஆசிர்யர்கள்

"உங்கள் நண்பர்கள் நாங்க" என்றனர் ..

அப்படியா ?

மகிழ்ச்சியில் என் மனம் ...

முதல் இடை நிலை தேர்வுகள் ...

ஆசிரியரின் சுயரூபம்

தெரிந்தது ..ஆம்

பள்ளியில் கூட வீடுபாடம்

இல்லீங்க ....இங்கே பக்கம் பக்கமாய் ....

புதிய முகங்களில் சிலர் ...

ஆகினர் என் நண்பர்களாய் ...

சில நேரம் சண்டைகள் ...

நிறைய சந்தோசங்கள் ....

காலங்கள் சென்றன

கட கடவென !!!

கல்லூரியில்

சந்தோசமாய் கழிக்கும் இடம் ...

எங்க கான்டீன் தாங்க!!!

சாப்டனும் என்று இல்ல

அரட்டை சும்மா ...

சாப்பிட போனால் ...

எங்க ராசி

எதுவும் கிடைக்காது !!

ஆனந்த லஞ்ச் டைம் ---

ஆம் வித விதமாய் !!!

எல்லோர் உணவும்

எங்க உணவு தான் !!!

சந்தோசமாய் போன காலங்கள்...

.இதோ முடியும் நேரம் ...

எங்க ஜூனியர்ஸ் ...

எங்களை விரட்ட

ஏற்பாடு செய்த விழா !!!!

ம்ம்ம்ம் ..பேர்வெல் தாங்க !!!



மூன்று வருடம் சந்தோசமாய்

வாழ்ந்த ஒரு உலகினில் ...

கடைசியாய் வாழும் அந்த நாள் ...

எல்லோரும் மூழ்கினோம்

சோகத்தில் !!

சோகங்கள் ...

சந்தோசங்கள் ...

சண்டைகள் ..

வாழ்த்துக்கள் ...

போட்டிகள் ...

மன்னிப்புகள் ...

என வாழ்கையை கற்று தந்த அந்த காலம் ..



"கேட்டாலும் நினைத்தாலும் திரும்ப கிடைக்காதது "

9/18/10

ஏன் ??



நீயில்லாத வாழ்க்கை

வண்ணங்கள் இல்லாத

வானவில் போலானது --

எனக்கு !!!



மறக்கவே நினைத்தேன்

அன்று -- உன்னை !!!

இன்று நீ ..

நினைக்கவே மறுக்கிறாயா ??



ஒவ்வொரு நொடிகளையும்

உன் நினைவுகளால் கழிக்கிறேன் ......

. இன்று !!!

உன் நினைவுகளில்

ஒரு நொடியேனும்

என் நினைவுகள் ????



எல்லா அன்பையும் தந்தாய் !!!

என் இதயம் சுமை கண்டது ...

இன்று எல்லா அன்பையும்

பறித்தாய் ...

மேலும் சுமை கொண்டது !!

9/14/10

என் உயிர் உள்ள வரை !!


என்னை உணர்ந்த நாள்

உன்னை கண்ட முதல் நாள் !!!

என் நாட்கள் நகர மறுத்தன

உன்னை காணமல் ..

என் கண் பார்வை

உனக்காய் தவமிருந்தது ...

என் உலகமே உருமாறி

போனது ...உன் அன்பினால் ..

.நம் அன்பினை

நட்பென்று பெயர் சூட்டி கொண்டோம் ..

.பூவின் வாசத்தை தடுக்க

முடியுமா ?

நம் நட்பின் வாசம் காதலை பிறப்பித்தது..

யாருமே எட்ட முடியாத உயரத்தில் ...

ஆனந்த களி பாடினோம் ..

நீ அருகினில் இல்லாத நேரங்களில்

நம் நினைவுகள் தாலாட்டுகிறது //

நீயும் உன் நினைவுகளும்

என்னுடனே ....'என் உயிர் உள்ளவரை !!

9/7/10

உன்னில் ...

ஆசை --- உன்னில் கரைகின்றது

கண்ணீர் --- உன்னால் சுவைகின்றது

சிரிப்பு -- உன்னில் பிறக்கின்றது

வெட்கம் --  உன்னில் மலர்கின்றது

கோபம் -- உன்னால் மறைகின்றது

காதல் -- உன்னால் என்னுள் உருவானது !!!

9/4/10

ஆசிரியர் !!!!



தன்னை கரைத்து ..
ஒளியை தருகிறது ...
மெழுகுவர்த்தி !!!!

தன் அறிவை பகிர்ந்து
இன்னொரு மரத்திற்கு
வித்திடுவர்
ஆசிரியர் !!!!

ஆசரியர்  தின வாழ்த்துக்கள் !!!!

( நாம் எல்லோருமே நிறைய       ஆசிரியர்களை கடந்து வந்திருப்போம் ..இன்று நாம் எல்லோரும் அவர்களை
நினைவு கூர்ந்தால் நாம் அவர்களுக்கு செய்யும் மரியாதை.. இப்பொழுது மாணவர்களாக இருந்தால் கண்டிப்பாக
வாழ்த்துக்கள் சொல்லலாம் .மிகவும் மகிழ்வர் ..)

8/24/10

மழை !!!!



ஒரு மழை காலம் ....
அதில் எவ்வளவு சந்தோசங்கள் ...
எப்போதும் கிடைக்காது !!!
மழையை ரசிக்கையில்
உன்னில் நனைகிறேன் ....
மழையை எப்படி
ரசிக்க ...
முதல் தூறல்கள் ...
நம் சந்திப்பை
நினைவூட்டுகின்றன ...
பேசியும்  பேசாமலும்
பேசினோம் ....
நாட்கள் கடந்தன
அடை மழையாய்!!!!
உன் நினைவுகள் ....
உன்னை சந்திக்க முடியாமல்
போனேன் ...
புயல் மழையாய் நீ ..!!!!.
உருமாறி போனாய்
மழையின் கடைசி தூறல்களோ
நம் நினைவுகளை
சொல்லி விட்டு சென்றது !!!!!

8/12/10

செல்லமே !!!





மழலை குரல்
சங்கீதமே !!!
பிஞ்சு நடை
காண கண்கள்
கோடி வேணுமே !!!
சிந்தி சாப்பிடும்
அழகே தனி !!!
தப்பு தப்பாய்
சொல்லும் கதைகள்
கூட காவியமே !!!
செல்லமாய் நமை
திட்டும் வார்த்தைகள்
கூட தேனாய் பாயுமே !!!
அன்பாய் ஊட்டி விடும்
ஒரு சோற்று பருக்கை
கூட அமிர்தமே !!!
இப்படி என்னை கொஞ்சின
அம்மா இன்று .....
என் இருபது வயதில்
திட்டுவது ஏனோ ???


(சிறு  வயதில் அனுபவித்த எதையும் இளமை பருவம் தராது..
இளமையில் அனுபவித்த எதையும் முதுமை தராது ...
இதுவே கால சக்கரம்...
past is past ..)



8/5/10

அம்மா



வலியோடு நமை
தாங்கி என்றுமே
வலியோடு சுமப்பவள் !!!!

நம் வலியை கூட
தனதை போல
நினைப்பவள் !!!

தோல்விகள் நமை சூழும்
போது ஆறுதல்
தந்து கவலையை
ஏற்பவள் !!!

நாம் கீழே விழும்
போது நம்
நிழலாய் நம்மை
தாங்குபவள் !!!!

கடவுள் அருகினில்
இல்லாத குறையை
தீர்ப்பவள் !!!

நம் வெற்றியின் போது
மட்டும் ....
சிறு குழந்தையை போல
நம்மை ஆனந்த கண்ணீரால்
நம்மை நனைய செய்பவள் !!!!

( நம் தாய் அருகினில் இல்லாத போதே அவள் பெருமையை அறிகிறோம் ..இருக்கும் போதே நம் அம்மாவிற்கு என்ன பண்ண முடியோமோ அதை செய்யலாமே !!!! )

8/3/10

என் கனவுகள் !!!



என் கனவில் வரும் வானம்
நீ !
அதில் குட்டி குட்டியாய் தோன்றும்
நட்சத்திரங்கள் நம் ஆசைகள் ....
ஒரே ஒரு வெண்ணிலா
நம் காதல் ...
சூரிய ஒளியில் காணமல்
போகும் பனித்துளி போல
எல்லாமே மறைகின்றன
அதி காலையில் !!!!

7/26/10

பெண்



நிறைய கோபம்
கொஞ்சம் சண்டைகள்
அவள் நண்பர்களிடம் .....

கொஞ்சம் ஆசைகள்
நிறைய  பாசங்கள்
அவள்  சொந்தங்களிடம்

எதிர்பார்பே இல்லாத
காலங்களில் ...
எல்லாமே கிடைத்தது
எதிர்பாராமல் ......

எல்லாவற்றையும்  விட்டே
வருகிறாள் ....இன்னொரு
வீட்டிற்கு   மகாராணி ஆஹும் போது...

சில நேரம் கோபங்கள்
நிறைய நேரம் சண்டைகள் .....

நிறைய ஆசைகள் ...
சில மகிழ்ச்சிகள்...

இப்படியே போகும் அவளின்
பயணம் ...

சில நேரம்
சொல்வதுண்டு ..
பல நேரம்
சொல்லாமல் அழுவதுண்டு ...

எதையும் தங்குவாள்
தன் அன்பினால் !!!!!

7/14/10

நட்சத்திரம் ...



இரவு பிச்சைக்காரியின்
ரவிக்கை பொத்தல்கள்!!!!

நிலா சிறுமி மார்கழி
நோன்பிற்கு
கோலம் போட
தப்பு தப்பாய்
வைத்த புள்ளிகள் !!!

காதலியை காணாது
தவித்து காதலன்
விட்ட கண்ணீர் துளிகள் .!!!....

7/13/10

மறக்கவே நினைக்கிறன்...



உன்னை நினைக்கும் போது
என்னுள் கோடி பட்டாம் பூச்சிக்கள்
சிறகடித்து பறக்கின்றன ....
உன் பார்வையில்
என்னுள் கோடி பூக்கள்
மலர்கின்றன ....
உன்னை மறக்கவே
நினைக்கிறன்
மறந்தாலும் நினைக்கிறன்
எல்லாமே எனக்காய்  செய்தாய்
என்னை கேட்காமலே
என்னுள் வந்தாய்
ஏனோ !!
மனதை விட்டு செல்ல மறுக்கிறாய் !!!!

நிலா...

 





நிலவு என்பது தங்க தட்டு ....
விண்மீன்கள் வெள்ளி புள்ளிகள் !!!!
ஒரு தேவதை ...
வானம்  அதில் கோலம் போட
தங்கத்தட்டு கொண்டு வந்தாள்...
கதிரவன் காலையில் வர
காண வெட்கபட்டு
அதை அங்கேயே விட்டு சென்றாள்..
கோலம் முடியாமல் ...வெறும்
புள்ளிகளாகவே இருக்கின்றன !!!!

மீண்டும் !!!!!



என்னை பிடிச்சிருக்கா
என்று நான் கேட்ட நாள்
வேண்டும் மீண்டும் !!!!

எனக்கு கொஞ்சம் டைம்
வேண்டும் என்று நீ
கேட்காத நாள் வேண்டும்
மீண்டும் !!!

என்னை ஆசையில்
தவிக்க விட்ட நாட்கள்
வேண்டும் மீண்டும் !!!

இருவரும் ஒரே பாட்டை
ரசித்த நாட்கள் வேண்டும்
மீண்டும்!!!

எனக்காக நீ அழுத நாட்கள்
வேண்டும் மீண்டும் !!!

என் கவிதைகளை நீ
ரசித்த நாட்கள் மீண்டும்
எனக்காய் வேண்டும் !!!

என் கனவுகளில்
என்னை தூங்க விடாமல்
நீ கொஞ்சிய நாட்கள்
வேண்டும் மீண்டும் !!!

காதல் வேதனை
அனுபவித்த நாட்கள்
வேண்டும் மீண்டும் ..

அன்பே !! உன்னை மீண்டும்
காதலிக்கும் உரிமை
எனக்கே வேண்டும் ...

ரிங் அடிக்கும் போன் அதை
நீயே எடுக்க வேண்டும்
என்று நான் தவித்த நாட்கள்
வேண்டும் மீண்டும் ...

பிறர் எடுத்தல் கட் செய்து
கோபத்தில் நான் மூட் அவுட்
ஆஹும் நாட்கள் வேண்டும்
மீண்டும்

உன் யதார்த்த பார்வையை கூட
காதல் பார்வையாய் நான்
கற்பனை செய்த நாள்
வேண்டும் மீண்டும் மீண்டும் !!!!

ஒரு நொடியேனும்!!!!



பிரிவின் வலியை உன்னால்
உணர்ந்தேன் !!!
ஒரு நொடி கூட உன் நினைவுகள்
என்னை விட்டு செல்வதில்லை ....
ஏனோ நீ சென்றாய் ...
உன் வருகை அதையே என் மனம்
எதிர்பார்த்து காத்திருக்கிறது ...
உன்னை சந்தித்த அந்த கடைசி
நிமிடங்கள் என்னை கடக்க வில்லை
இன்னும் ....
உன்னை பார்த்த என் கண்கள் இன்னும்
தூங்க வில்லை ...
நீயும் இப்படி என்னை ஒரு
நொடியேனும் யோசிப்பாயா ?

நீயே சொல்லிவிடு .....



உன் பெயரையே சுவாசிக்கிறேன்
தினமும் ....கோடி முறை ....
உன் கண்களையே  காண தவிக்கிறேன்
நீயோ தவிர்க்கிறாய் ....
என் ஆசைகள் எல்லாமே உனக்கு
வேடிக்கையாய் இருக்கிறது !!!
ஏதோ அலைகள் சொல்ல வந்து
சொல்லாமல் போவதை போல ...
என்னுடனே இருக்கிறேன் என்கிறாய்
இருந்தாலும் .உன் வார்த்தை ...
அதையே எதிர்பார்க்கிறது  என் மனம் !!!!
உன் மௌனம் அதை என் மனம்
அறியாது !!!!
சொல்ல நினைத்ததை சொல்லிவிடு ...

என்னில் நீ !!!!



விடியலில் என் விழிப்பாய்.....
நீ !!!!
இரவில் என் தவிப்பாய் .....
நீ !!!!
உன்னை நினைக்கும்
ஒவ்வொவொரு நொடியிலும்
என் புன்னகையாய் நீ !!!!
உன்னை கடக்கும்
ஒவ்வொவொரு சாலையிலும்
என் பிறப்பிடமாய் நீ !!!!